sábado, 14 de abril de 2018

POR ENCIMA DEL PUENTI





Veti niñu a la fuenti de abaju y trai llenu el pelleju,
que vamus tu mai y yo al charco po encima del puenti,
tu mai a lava la ropa y yo mentras a coge unus pecis,
pa traerlus pa casa pa come mañana y la cena de esta nochi.

Mentras yo voy ponienduli la albarda al burru,
y a cagar lo que tu mai quieri que llevi,
veti de prisa corriendu y nu dejis que naie te enrei,
y si tu quieris venirti con nosotrus ponti el bañao de siempri.

Ponerus las alpargatas de goma pal riu,
esas que llebamus siempri, las que dejaron hay tus tius,
y vamus a pasa por casa de tu abuela pa ver si tambie se vieni,
nos se os olvidi tambien coge jabon pa labarnus el pelu y el cuerpu,
pa veni ya bañaos, oliendu bien y relucientis.

Vamus por el ataju mas cortu,
el ataju que nus deja al ladu del puenti,
aunqui tengamus que subi y cuza el riu,
pos ahora e veranu apenas lleva corrienti,
y en un segundu estamus en el charcu de siempri,
al que la genti llama, el charcu de lus guardas.

Niñu quieris acompañarmi,
voy a la maquina a ve comu esta de pecis,
mentras tu mai y tu abuela lavan la ropa,
tu vigila si vienin los guardas, mentras yo echu la redis,
y a luegu nos damus un bañu tranquilamenti,
y cuandu sea la hora volvemus a casa comu siempri.

Veti niñu a la fuenti de abaju y trai llenu el pelleju,
que vamus tu mai y yo al charco po encima del puenti,
tu mai a lava la ropa y yo mentras a coge unus pecis,
pa traerlus pa casa pa come mañana y la cena de esta nochi.

No hay comentarios:

Publicar un comentario